شادية: لم أجرب الحب ولا أعرفه!

911

ارشيف واعداد عامر بدر حسون/

عندما قلت لشادية إن هناك عشرة أسئلة محرجة في انتظار الجواب، قالت: اتركها إذن، لكي أعد لك الإجابة او على الاقل استعد لها..

ولكني اخبرتها انني لا أريد اجابة مزيفة او منمقة، ولكني أريد إجابة عادية، خالية من الصناعة والرياء، ومن الطبيعي انها ليست في حاجة الى من يبصرها بشؤونها الشخصية..!

فقالت: هل جئت لتمتحنني..؟!

قلت: وهل تخافين الامتحان..؟!

قالت: أبداً.. ولكنهم في الامتحان يضعون اسئلة اختيارية، وسوف يكون من حقي بالطبع ان أرفض الإجابة على ما يعجبني من الأسئلة بحسبانها اسئلة اختيارية..! قلت: وانا أرجو ألا تكون الأسئلة صعبة معجزة!

وهكذا بدأ الحديث:

* أين ولدت؟

– في الحلمية الجديدة بمصر.

* وما هو اصلك وفصلك؟

– أصلي وفصلي أو كي كويسة..

أصلي وفصلي نص مصري ونص تركي.. لأن والدتي تركية ووالدي مصري..!

* كيف اتجهت الى الغناء..!

– من ساعة ما وعيت لنفسي وانا باحب اغني.. وافتكر ان اصحابنا لما كانوا يزورونا كنت اغنيلهم..

بس كنت باخاف اغني قدام بابا!

* ليه..؟

– انت عارف الناس بتوع زمان..

* هوه بابا من الناس بتوع زمان؟

– آه..

* ما هي اللغات التي تعرفينها؟

– عربي وتركي وشوية فرنساوي..

* كم تبلغين من العمر؟

– أنا مولودة في 8 فبراير سنة 1931

* هل لك شهادة ميلاد..؟

– طبعا..

* هل استطيع ان ارى هذه الشهادة..؟

– الشهادة مع بابا، وهوه دلوقت في الوزارة..! وعلى كل حال بص لي كويس وقدر انت بنظرك شوف تديني عمر كام..؟

(وانا اقر على مسؤوليتي ان شادية لا تزيد ابداً عن 16 سنة. بس على فكرة انا نظري ضعيف!!)

* لماذا لم تتزوجي حتى الان؟

– لسه ما صادفنيش ابن الحلال الكويس..؟

* ما هي شروطك في عريس المستقبل؟

– وانت مالك..؟!

* مالي ازاي..؟! مش يمكن اشوف لك العريس اللي يعجبك؟

– العرسان على قفا من يشيل!

بس اللي يشيل..؟

* كم خاطب تقدموا لك اذن..؟

– العد في الليمون..!

* ولماذا رفضت الزواج من جميع هؤلاء الخطاب..؟ الم تجدي فيهم احداً “يملي” العين..؟!

– أهو ده السؤال اللي ما أقدرش اجاوب عليه..

* متى تتزوجين..؟

– انت مستعجل على ايه يا اخي انت شايلني على دماغك..؟

* هل تعملين بعد الزواج..؟

– حسب الظروف..!

* أيهما تفضلين: صحبة الحسان، أم صحبة الشبان..؟

– يا نهارك زي بعضه.. لا يعني ايه ياه..؟

* ما يعنيش..! هل يحمر وجهك خجلا عندما تنفردين بشاب جميل..!

– حاجة حلوة أوي..! يعني عاوزني ائر واعترف اني بأبصبص؟

* ما رأيك في الحب..؟

– يقولون انه لذيذ..!

* ليه؟ انتِ ما جربتيش الهوى؟

– ولا شميته..!

* كيف تقومين بتمثيل الادوار الغرامية العنيفة وانت لم تجربي الحب..؟ هل تمثلين على الناس؟

– خليك لطيف..!

* وتحبيني..؟!

– اعوذ بالله..!

* يلازمك والدك دائماً! انتقالاتك.. فهل يضايقك ذلك؟

– بالعكس..! بانبسط..!

* بس قولي الحق..

– والله زي ما باقولك..!

* كم يبلغ دخلك الشهري؟

– ماعرفش..

* كم تنفقين من هذا الدخل..؟

– باصرف كثير قوي..!

* وكم تدخرين..؟

– ايه ده ياعم؟! احنا في النيابه.. مش حاقولك..؟!

* اين تودعين نقودك..؟!

– لا.. انت زودتها قوي..!

* ما هي اقصى امانيك؟

– ما اقدرش اقولك..!

* ليه..؟ ده انا الحجاب مكشوف بيني وبيني ربنا، ويمكن اتوسط لك في اللي انت عاوزاه..

– لو كان الحجاب مكشوف بينك وبين ربنا صحيح كنت خرجت من الصبح..!

* ايهما احب الى قلبك: عبد الوهاب أو ام كلثوم..؟

– الاثنين احبهم.. واحب كل الناس..!

* وما رأيك في شخص كل منهما في فنه..؟

– انا ما اعرفش حد منهم شخصياً وعلشان كده ما اقدرش احكم على الناحية الشخصية، انما ماخدش طبعا بقدر ينكر صوت ام كلثوم، وموسيقى عبد الوهاب..!

* ما هو احرج مأزق وقعت فيه..؟
– لسه ما وقعتش في مأزق.. ولما اقع اديلك خبر على طول..؟

* ليه بأه..؟

– علشان اشوف الغلبة بتاعتك ساعتها..

(وهنا سمعنا طرقا على الباب، واطل طفل صغير قائلاً: “ابعت لك بابا..؟ فأسرعت بالاجابة على الطفل قائلاً: يا يابني..! انا خارجة لوحدي.. لم انصرفت..)

مشاغب