ياحسين
#خليك_بالبيت
يوسف المحمداوي – تصوير: عباس الجمالي /
يكل خميس نزور صحنك ياحسين….وكل خميس احساسي هسه نزورك
ارد اطيرن فوك كبتك يالذيذ….وارد اعدن كم رسول يزورك
ياشمس دنيا وقمر بعد الحياة….آنه أشك نور الشمس من نورك
انته جنة الله وتعاويذ السماء…رافد احنه والمحبة بحورك
شكد احبك سيدي مثل الصلاة…انته صومي والزكا بعطورك
خلهم يغنون يالحنك خلود…اشما حجوا مايوصلون الطورك
ياحسين وانته اسمك كبرياء…شحده منهم لو تدنه السورك
بعلك اخضر شانق اركاب الطغاة….وبالعلك تنطي اليحب انذورك
هو دبابات ناطرته ويخاف…وبس حمام البلصحن ناطورك
بكل خميس نزور صحنك ياحسين…وكل خميس احساسي هسه نزورك